Aeth criw Cymunedau'n Gyntaf ar ddau ymweliad i faes yr Eisteddfod yng Nghaerdydd. Roedd rhaid prynu wellingtons ar y maes i gadw'n sych!
Dyma ni ar ein hymweliad â'r 'Steddfod.
Aeth Cymdeithas Gymraeg Y Maerdy Dydd Llun ac aeth Cymdeithas Gymraeg Ty Ddewi a Chymdeithas Gymraeg Penrhiwceibr a Feisgyn dydd Mawrth.
Yn y llun top mae Albert, Annie a Margaret o Dy Ddewi. Mae Annie, sydd yn 95 mlwydd oed, yn hoff iawn o'r wisg Gymreig!
Yn y llun gwaelod mae Val, Paul ac Anthony yn cwrdd â chast Pobl y Cwm yn Maes D.

Cawson ni amser bendigedig yn crwydro'r maes yn y bore ac i mewn i'r pafiliwn yn y prynhawn.

Cafodd Cylch Meithrin Thomastown bore o hwyl a sbri gydag ymwelwr arbennig iawn ar Lun 7 Gorffennaf.

Daeth Martin Geraint i ganu a dawnsio gyda phlant a rhieni'r Cylch a chynnig cyfle i'r gynulleidfa ymuno gyda'r sioe. Er nad oedd y rhieni yn medru’r Gymraeg roeddynt yn awyddus iawn a gyda help Martin wedi dysgu nifer o ganeuon newydd i fwynhau adre gyda'i phlant.

Am fwy o wybodaeth am weithgareddau Cymraeg yn eich ardal yna cysylltwch â Cath Craven, Swyddog Cymryd Rhan, Menter Iaith ar 078 75 609 131 neu swyddfa Cymunedau'n Gyntaf Tonyrefail.

Mae llawer o hwyl i'w gael ar chwe cynllun chwarae Menter Iaith yn ystod gwyliau'r Haf yn Abercynon, Llanhari, Llyn y forwyn, YMCA Pontypridd, Rhydywaun a Bronllwyn.
Am fwy o fanylion ffoniwch: 01443 226386
Darperir y cynlluniau ar gyfer plant rhwng oedran 5 ac 14 mlwydd oed. Mae'r cynlluniau yn rhedeg o Ddydd Llun i Ddydd Gwener rhwng 10.00 hyd at 12.00. Mae'r gweithgareddau sydd ar gael yn cynnwys castell neidio, celf a chrefft, drama, dawns, canu, coginio, ymweliadau, chwarae y tu allan a chwaraeon amrywiol. Digon o weithgareddau i gadw plant bywiog yn hapus

Er fod y tywydd yn wael roedd Parti Ponty yn llwyddiant mawr eleni eto. Daeth dros 4000 o bobl i Barc Ynysangharad i weld perfformiadau gwych ar y llwyfan, y stondinau a'r gweithgareddau amrywiol.