Pobl ifanc Ysgol Y Cymmer yn gweithio'n galed iawn ar yr ail prosiect ffilmio - Buddug rhan o brosiect Prosiect First Light Movies. Mae Ysgol y Cymer, CiC a Tantrwm yn gweithio mewn partneriaith i greu'r fideo..
Mi fydd y 3ydd ffilm yn cael ei wneud yn ystod gwyliau'r haf. Mae'r ysgolion sy'n rhan o'r brosiect mewn ardaloedd Cymunedau'n Gyntaf.

Trefnodd CiC i griw Clwb Cymraeg Ysgol y Ddraenen Wen fynd i ddringo draw ym Medlinog ar 26 Ebrill 2008. cafodd y criw hwyl a phrofiad arbennig wrth feistroli'r gamp.

Hoffech chi i’ch plentyn fynychu clwb lle gall e/hi chwarae wedi oriau ysgol mewn awyrgylch diogel a chyfarwydd? Efallai gall y Clwb Carco eich helpu.
Mae Clwb Clwb Carco yn yr ysgolion canlynol -
Ysgol Gynradd Gymraeg Aberdar
Ysgol Gynradd Gymraeg Castellau
Ysgol Gynradd Y Dolau
Ysgol Gynradd Gymraeg Evan James
Ysgol Gynradd Gymraeg Garth Olwg
Ysgol Gynradd Gymraeg Bronllwyn
Ysgol Gynradd Gymraeg Llwyncelyn
Ysgol Gynradd Gymraeg Llantrisant
Ysgol Gynradd Gymraeg Ynyswen
Ysgol Gynradd Gymraeg Tonyrefail

Mae’r Clwb Carco yn cael ei gynnal ar safle yr ysgol. Rydyn yn darparu amgylchedd diogel, cyffrous a gofalgar ar ddiwedd diwrnod ysgol.
Mae amryw o gemau a gweithgareddau ar gael gan gynnwys celf a chrefft, gemau bwrdd, bingo, coginio, ffilmiau, noson canioci a chwaraeon tu allan. Rydyn yn darparu lluniaeth ysgafn o dost a diodydd.
Os hoffech chi i’ch plentyn gael hwyl a sbri wrth chwarae yn Gymraeg ffoniwch Menter Iaith i gofrestru. Pris pob sesiwn yw £5.30 a £3.15 i brodyr neu chwiorydd sy’n dod ar yr un noson. Mae’r clwb ar agor i bawb (nid yn unig i rhieni sydd yn gweithio).
Am wybodaeth bellach cysylltwch â Sarah Thomas, Gwasanaethau Plant 01443 226386

Cafodd aelodau clybiau amser cinio Ysgol y Merched ac Ysgol Ioan y Bedyddiwr y fraint o fod yn rhan o gynilleidfa sioe ‘Popty’ S4C ar prynhawn dydd Iau 24ain o Ebrill. Roedd hi’n brofiad gwych iddyn nhw gymysgu gyda phobl ifanc Cymraeg a gweld y defnydd o’r Gymraeg tu allan i’r ystafell ddosbarth. Dyma’r gyntaf o lawer o deithiau i ddod!!