Llongyfarchiadau i aelodau Clwb Carco Dolau sydd wedi llwyddo, er gwaethaf cystadleuaeth ffyrnig i gael eu gwaith wedi’i gynnwys mewn llyfr afterschool club.net yn ddiweddar. Llongyfarchiadau mawr iawn iddyn nhw ‘gyd.

Wnaeth 18 o bobl ifanc (14-15 mlwydd oed) o ysgolion y Cymer a Rhydywaun, gymeryd rhan mewn Diwrnod gweithgareddau tîm yng Nghanolfan Daerwynno, Llanwynno a drefnwyd gan Menter Iaith, fel rhan o'u cymhwyster OCN mewn cwrs fer cyfathrebu.

Eleni bydd Menter Iaith yn cynnal cynllun gofal drwy’r dydd rhwng Gorffennaf 27ain ag Awst 21ain Yn Ysgol Uwchradd Garth Olwg, Pentre’r Eglwys. Bydd cyfle i blant oed cynradd ( Dosbarth derbyn hyd blwyddyn 6 ) i fwynhau amrywiaeth o weithgareddau celfyddydol, adloniadol a chwaraeon tra’n derbyn gofal gan staff cymwys. Bydd y niferoedd yn gyfyngedig felly os oes arnoch ddiddordeb manteisio ar y cyfle i’ch plant dderbyn y gofal gorau, drwy gyfrwng y Gymraeg yna cofrestrwch ar gyfer ein cynllun e-chlysur ni. Mi fydd manylion o ran sut i archebu a chost yn cael ei gyhoeddi cyn hir ar e-chlysur.

Mae nifer o barneriaethau Cymunedau'n Gyntaf o gwmpas Rhondda Cynon Taf wedi dechrau cyfres o foreau coffi i ddysgwyr Cymraeg ac i Gymry Cymraeg sydd yn byw yn yr ardaloedd. Ar gyfer y rhai sydd yn dysgu'r iaith, mae 'na diwtor anffurfiol yn bresennol i arwain sgyrsiau, ateb cwestiynnau ac yn y blaen. Mae'r boreau yma'n cael eu cynnal yn y lleoliadau canlynol :

Dydd Llun 9.30 - 11.30 Rhondda Bowl Tonyrefail
Dydd Mawrth 2.00 - 3.00 Clydach Vale
Dydd Mercher 9.00-10.00 Glynfach Porth
Dydd Mercher 1.00-2.30 Glyncoch
Dydd Iau 9.30-11.30 Capel Bethleham,Tonyrefail
Dydd Gwener 10.00 - 12.00 Maes yr Hâf, Trealaw

Os hoffech fwy o fanylion am unrhywun o'r boreau coffi uchod, yna cysylltwch â'r swyddfa Cymunedau'n Gyntaf perthnasol.

Cofiwch hefyd fod na foreau coffi anffurfiol dal yn cario 'mlaen yn rheolaidd ar agor i Gymry Cymraeg a dysgwyr yn ogystal dan adain Menter Iaith. Mae rhestr llawn o rhain iw gweld dan y ddolen GWASANAETHAU uchod.